१५ जेठ २०६९
राष्ट्रिय फोटो पत्रकार समूहले पाचौं गणतन्त्र दिवस भब्य रुपमा मनाउने क्रममा सोमबार राजधानीको काठमाडौं दरबारस्क्यायर परिसरमा सार्बसाधारणकालागि दोश्रो जनआन्दोलन २०६२/६३ मा समूहका सदश्यहरुले खिचेका तश्विरहरुको ”स्लाईड सो” गर्यो ।

कार्यक्रममा हजारौं सर्बसाधारणको सहभागिता रहेको थियो । ”स्लाईड सो” हेरेर उपस्थित सर्बसाधारणले आयोजक समूहलाई राम्रो काम गरेको भन्दै स्याबासी पनि दिएका थिए । दरबारस्क्यायरको वसन्तपुर डबलीमा सर्बसाधारण तथा त्यहा आएका पर्यटकहरुलेपनि ”स्लाईड सो”को मज्ला लिएका थिए ।




समूहका कार्यकारी महासचिव हरि रेग्मीको संयोजकत्वमा सम्पन्न उक्त कार्यक्रमका लागि समूहका सदश्यहरु दिपेन्द्र बज्राचार्य,सागर श्रेष्ठ,ध्रुब आले,कबिन्द्रमान शाक्य लगायतले फोटो उपलब्ध गराई सहयोग गरेका थिए । समूहका सदश्य जितेन्द्रराज बज्राचार्यले तश्विर र संगितको संयोजन गरि ”स्लाईड सो” तयार गर्नूभएको थियो । कार्यक्रममा समूहका सदश्यहरुको पनि ठूलो सहभागिता रहेको थियो।

 

समूहले समाजलाई आफ्नो क्षेत्रबाट सकेको योगदान गर्नुपर्छ भन्ने मूल हेतुले उक्त कार्यक्रम गरिएको हो । जनआन्दोलनका तश्विरले नेपाललाई समृद्ध गराउन जनताले आन्दोलनमा कतिसम्म बलिदान गरेका रहेछन् भन्ने स्मरण गराउन ”स्लाईड सो”ले सहयोग पुर्याउने समूहले विश्वास लिएको छ । जनतामा राजनैतिक चेतना हुनुपर्छ, त्यसले सासकवर्गलाई देशको विकाश गर्न घचघच्यान हौसला प्रदान गर्दछ ।