राष्ट्रिय फोटोपत्रकार समूहको आयोजनामा अगष्ट १९ मा विश्व फोटोग्राफी दिवस काठमाडौंमा भब्य कार्यक्रम गरि मनाईयो । उक्त अवशरमा समूहले आयोजना गरेको शान्ति जुलुसमा ठूलो संख्यामा सदश्यहरु उपस्थित हुनुभएको थियो । तथ्य समाचारका लागि फोटो पत्रकारीता भन्ने यस वर्षको नारा लेखेको ब्यानर सहितको जुलुसमा सदश्यहरुले समूहको हरियो फोटो भेष्ट पहिरिनुभएको थियो ।
 

राजधानीको दरबार क्षेत्रबाट ब्यानर बोकेर जुलुसमा सहभागि हुदै सदश्यहरु

राजधानीको दरबार क्षेत्रबाट शुरु भएको जुलुस सहर परिक्रमा गरि पुन त्यहा पुगि समापन भएको थियो । उक्त अवशरमा भेला भएका सदश्यहरुलाई अध्यक्ष कबिन्द्रमान शाक्यले सम्बोधन गर्नुभएको थियो । सम्बोधनका क्रममा उहाले फोटोपत्रकारहरुले  अगष्ट १९ लाई हरेक वर्ष प्रभावकारी किसिमले मनाउनुपर्ने बताउनुभयो । फोटो पत्रकारीताबारे जनचेतनात्मक कार्यक्रमहरुलाई प्राथमिकता दिई विश्व फोटोग्राफी दिवर मनाउनुपर्नेमा उहाको जोड थियो ।
    उक्त कार्यक्रमलाई वरिष्ठ फोटोग्राफर जगदिस तीवारी,सदश्य राजभाई शुवाल लगायतले सम्बोधन गर्नुभएको थियो ।